Dunyodagi har bir qiz turmushga chiqishni orzu qiladi. Biroq ba’zi qizlar tashqi ko‘rinishi chiroyli, o‘zi aqlli bo‘lsa ham uchrashuvni to‘yga qadar etkaza olmaydi. «Menga turmushga chiqing!» jumlasi ular uchun orzu. Yoki taklif qilishsa ham turli sabablar bilan rad javobini berishadi. Bunday xarakterli qizlar kimlar ekanligini bilishni istaysizmi? Unda maqolamizni diqqat bilan o‘qib chiqing.

1. Aktrisa
Uni qanday tanish mumkin? Bu ayolda juda ko‘p o‘ziga tortadigan jihat va sirlar bisyor. U doim hech kimga o‘xshamaslikni orzu qiladi, biror o‘ziga xos qizning rolini topib, yaxshi ko‘rgan insoni ko‘z o‘ngida o‘shani ijro etib beradi. Mahorat bilan ijro etadi. Samimiylikdan yiroq.

Nega undan qochishadi? Har narsaning chegarasi bor. Yigitlarning miyasi tez-tez sodir bo‘ladigan o‘zgarish va kutilmagan voqealarni hazm qilishga ixtisoslashmagan. Ertami-kechmi yigit sevganining nosamimiyligi va rol ijro etayotganini fahmlaydi hamda undan uzoqlashishni boshlaydi.

2. Ijodkor
Uni qanday tanish mumkin? Undagi ijodiylik shedevrlar yaratishida emas, o‘zgaruvchan kayfiyatida namoyon bo‘ladi. Mazkur ayoldagi xohish va qarashlar har ikki daqiqada o‘zgarib turadi, aniq qaror qabul qila olmaydi, shuning uchun uni tushunadigan juft kerak. Aks holda hayotidan noroziligi kuchayib ketadi.

Nega undan qochishadi? Yonida bunday qiz turgan yigit ertasi nima bo‘lishini bilmaydi. Bu hol esa uning asabiy zo‘riqishiga sabab bo‘lib, ortiqcha xavotir va tanglikni keltirib chiqaradi. Xavotir sababini aniqlay olmagan yigit o‘zi haqida «Nimanidir noto‘g‘ri qildim», shekilli, deb o‘ylay boshlaydi.

3. Bilimdon qiz
Uni qanday tanish mumkin? Bu qiz yigit kishining xarakteri, ularning nima istashini aniq biladi. U yigitlarni o‘ziga qaratish va uni tutib turish choralarini juda yaxshi o‘zlashtirgan. Uning kitob javonida oilaviy munosabatlar haqidagi kitoblar tiqilib yotibdi. Boshqa mavzularda ham uning o‘z qarashlari mavjud. Bir so‘z bilan aytganda, chinakam aqlli qiz.

Nega undan qochishadi? Har narsaga o‘z qarashlari bor qiz tashqi tomondan yuzaki ko‘rinadi. Uni yuraksiz deb o‘ylash ham mumkin. Bu esa yigitlarda qiz haqida salbiy xulosalar paydo qiladi.

4. Ko‘ngli to‘lmas o‘rdakcha
Uni qanday tanish mumkin? Uning hayotida hamma narsa yomon: hayoti og‘ir, qomati beso‘naqay, karerasi o‘xshamagan, ob-havo ham juda yomon. Kayfiyati yomonligi barham topsa, darhol yo‘q joydan tushkunlik va behafsalalik uni qamrab oladi. Bu kayfiyat bilan hayotida biror-bir o‘zgarish qilishga qodir emas.

Nega undan qochishadi? Yigitlar — himoyachi, ruhshunos emas. Har doim qiz unga hayotidan noliy boshlasa, o‘zini jabrdiyda qilib ko‘rsatsa, bu kayfiyatni yuqtirib olmaslik uchun undan iloji boricha qochishga harakat qiladi.

5. Turmushga chiqish fikriga yopishib olgan qiz
Uni qanday tanish mumkin? hayotdagi yagona maqsadi — turmushga chiqish. Bu ayol doimiy izlanishda, chunki u allaqachon bunga o‘zini tayyorlab bo‘lgan: to‘yining har bir daqiqasidan tortib, turmush o‘rtog‘i ega bo‘lishi kerak bo‘lgan xislatlargacha. Faqat o‘sha ideal yigit topilmay turibdi-da. Topilmadi ham! Axir hayotda bunday ideal yigit bo‘lishi amri mahol. Uchrashuvga chiqsa ham dardu fikri erga tegish bo‘ladi.

Nega undan qochishadi? Hech kim biror insonning tasavvur mahsuligina bo‘lishni istamaydi. Ayniqsa, ipidan-ignasigacha o‘ylab qo‘yilgan to‘yda kuyov rolini ijro etishni xohlamaydi. Bu ularda noqulaylik tug‘diradi va iloji boricha «ilinmaslik»ka harakat qiladi.

6. Mustaqil
Uni qanday tanish mumkin? Yolg‘izlik bu ayollarni tashvishga solmaydi. Agar sevadigan inson paydo bo‘lsa — ajoyib, paydo bo‘lmasa — hechqisi yo‘q, usiz ham yashayveradi. Ko‘nglining tub-tubidan u turmush o‘rtog‘ini har kun ko‘rib turish bir vaqtlar o‘zining ham joniga tegishini tan oladi. Biror yaxshi yigit topilganda esa balki, bundan ham yaxshirog‘i uchrab qolar, degan fikrga boradi.

Nega undan qochishadi? Yigit doim ideal inson talablariga munosib harakat qilishdan charchaydi. Uni shu holicha qabul qilishlarini istaydi. Hayotda mavjud bo‘lmagan raqobatchilar bilan solishtirishlar tinkasini quritadi. Har doim shu holimda ham yaxshi yashayapman, deydigan qiz bilan munosabat o‘rnatishdan nima naf?!

7. Qor malikasi
Uni qanday tanish mumkin? Uni turmushga chiqishga ko‘ndirish u yoqda tursin, uchrashuvga chiqarishning o‘zi muammo. Agar uchrashuvga chiqqan taqdirda ham yigit bilan to‘g‘ri muomala qila olmaydi. Uning fikricha, yigit kishi hammasini o‘zi qilishi kerak. Hatto qiz uyda o‘tirib, hech qaysi kompaniyaga qo‘shilmasa ham uni qidirib, ko‘nglini zabt etishi lozim.

Nega undan qochishadi? Bunday xatti-harakat, hadeb uchrashuvlar tashkil etaverish yigit kishi uchun muammoga aylanadi. Bundan tashqari, qizning o‘z chiroyiga ishonmasligi, kuyovlarni qo‘rqitib qo‘yadi. Hadeb kimningdir bo‘yniga osilish ham yaramaydi, biroq haddan tashqari befarqlik ham munosabat o‘rnatishga xalal beradi.

8. Uydan ko‘chaga chiqmaydigan qiz
Uni qanday tanish mumkin? Butun hayoti ish va uy o‘rtasida o‘tib ketadi. Ishida tuzuk yigitlar yo‘q, ko‘chada hech kim u bilan tanishishni istamaydi, bundan shunday xulosa kelib chiqadiki, munosib yigit qayerdadir bor, faqat uning yo‘nalishi qizniki bilan to‘g‘ri kelmayapti.

Nega undan qochishadi? Tashvishlar uning ko‘zidagi nurni so‘ndirib qo‘yadi, charchagan nigoh esa yigitlarni o‘ziga maftun eta olmaydi. O‘zingizni biroz erkin qo‘yib, yangidan-yangi insonlar bilan tanishing. Hech bo‘lmasa, ishga borish yo‘lida. Balki, sizga yoqadigan yigit shundoqqina yoningizdadir.

9. Sevimli ona
Uni qanday tanish mumkin? Bunday qiz sevgan yigiti issiq kiyindimi, ahvoli, kayfiyati yaxshimi — doim bilib turishi kerak. Bir kunda juda ko‘p marta qo‘ng‘iroq qiladi, tushlikka nima eganingizni so‘raydi. Agar gazli suv ichmoqchi bo‘lsangiz ham uning zararlari xususida bir tonna fakt qalashtirishi mumkin. Undan ko‘ra kislorodli kokteyl iching, deb maslahat beradi.

Nega undan qochishadi? Yigitlar uchun bitta onaning o‘zi etarli, ikkinchisi kerak emas. Ayniqsa, bu ona sevgan qizi ko‘rinishida bo‘lsa… U bir vaqtlar erkatoy o‘g‘il edi, hozir esa chinakam erkakka aylangan.

10. Hech nimaga qiziqmaydigan qiz
Uni qanday tanish mumkin? Bunday qizning o‘ziga xos qiziqishlari mavjud emas, hayotdan maqsadi ham yo‘q. Ular qaerga etaklasa, o‘sha erga ketaverishadi. O‘z fikriga egalik nimaligini bilmaydi.

Nega undan qochishadi? Yigitlar murakkab munosabatlardan keyin ham unga mehr ko‘rsata oladigan qizni orzu qiladi. Zerikish bir zumda keladi. Chunki bu xil xarakterli qiz tezda jonga tegadi